२ भदौ, काठमाडौं । सोमबार सरकारले खोलेको करदाता प्रोत्साहन उपहार कार्यक्रमका विजेताको नाम सार्वजनिक गरिएको छ ।
१६ देखि ३१ साउनसम्म सामान खरिद गरेका करदातामध्येबाट १० लाख विजेता तुल पुडासैनी रहेको आन्तरिक राजस्व विभागले जनाएको छ ।
१ लाख विजेता करदाता १६ जना छन् । विभागका अनुसार यसरी १ लाख पुरस्कार जित्नेमा योगेश विश्वकर्मा, दिनेश तामाङ, अस्क्रिना राना, भगवती सापकोटा, रहिम महमद हवारी र महेशकुमार पौडेल विजेता बनेका छन् ।
यसैगरी राजेन्द्र थापा, कमला तामाङ, शिवनारायण बदही मिस्त्री, चुडामणि दनाई, रमेश साह कानु, मनिष गौतम, घनश्याम तिवारी, राकेशकुमार सिंह, विकास गुरुङ र चक्र बहादुर शाही १ लाख विजेता बनेका छन् ।
विभागका अनुसार विजेता उपभाेक्ताले पुरस्कार दाबी नजिककाे आन्तरिक राजस्व कार्यालयमा गर्न सक्नेछन् । उनीहरूका लागि दाबी गर्ने अन्तिम मिति १६ भदाै ताेकिएकाे छ ।
