११ कात्तिक, काठमाडौं । राष्ट्रिय सभा अन्तर्गतको विकास, आर्थिक मामिला तथा सुशासन समितिको बैठक बस्दैछ ।
बैठक समिति सचिवालय सिंहदरवारमा बिहान साढे ११ बजे राखिएको छ ।
छलफलको कार्यसूचीमा विश्व जलवायु सम्मेलन कोप २९ मा नेपालको सहभागिताका लागि आवश्यक तयारी सम्बन्धमा छलफल हुने उल्लेख छ ।
आगामी नोभेम्बर ११ देखि २२ तारिख (यही कातिक २६ देखि मंसिर ७ गते)सम्म अरजरबैजानको बाकुमा जलवायु परिवर्तनसम्बन्धी संयुक्त राष्ट्रसंघीय संरचना महासन्धि (युएनएफसिसिसी) का पक्ष राष्ट्रहरुको २९ औँ सम्मेलन (कोप–२९) आयोजना हुँदैछ ।