२९ साउन, काठमाडौं । अविरल वर्षापछि मोदीखोलामा आएको बाढीले कास्की र पर्वत जोड्ने दुई वटा पुल बगाएपछि मन्दिर परिसरमा फसेका तीन व्यक्तिको सकुशल उद्धार गरिएको छ ।
सशस्त्र प्रहरीका डीएसपी शैलेन्द्र थापाका अनुसार कास्कीको पोखरा महानगरपालिका- १८ सराङकोटका २८ वर्षीय प्रदीप ढकाल, सर्लाही घर भई कास्कीको अन्नपूर्ण गाउँपालिका-८ मा रहेको बिरेठाँटी माध्यमिक विद्यालयका शिक्षक ३० वर्षीय रेवन्तप्रसाद सिंह र मन्दिरका पुजारी ५२ वर्षीय कानिर्माण गिरीलाई सकुशल उद्धार गरिएको हो ।
शुक्रबार बिहान सवा २ बजे आएको बाढीले कास्की र पर्वत जोड्ने २ वटा मेटल पुल बगाएपछि उनीहरू मन्दिरमै फसेका थिए ।
उनीहरूलाई शुक्रबार बिहान सवा ८ बजे सशस्त्र प्रहरी बल नेपाल नं. २४ कालिका गण कास्कीबाट गएको रोप रेस्क्यु र गोताखोर सहितको संयुक्त टोलीले सकुशल उद्धार गरेको थापाले बताए ।
प्रतिक्रिया जनाउनुहाेस्
