काठमाडौँ । नेपाल टेलिकमको जीएसएम मोबाइल नेटर्वकमा समस्या आएको छ । बिहान ११ बजेदेखि करिब २० मिनेट देशभरको मोबाइलहरूमा फोन नलाग्ने समस्या देखिएको हो ।
टेलिकमको वाइड एरिया नेटवर्कमा समस्या देखिँदा केही समय फोन नलाग्ने अवस्था भएको बताइएको छ । नेपाल टेलिकमका प्रवक्ता हरि ढकालका अनुसार उक्त एसटी–वान नेटवर्कमा समस्या देखिएको थियो ।
‘सामान्य नेटवर्क इस्यु हो, १५/२० मिनेट समस्या देखियो, अहिले सेवा सञ्चालन भइसकेको छ,’ उनले भने ।
@रातोपाटी