इस्लामाबाद । पाकिस्तानले सेना, नौसेना र वायुसेनाका प्रमुखको कार्यकालको अवधि बढाएको छ । सरकारले संसदबाट यो प्रस्ताव अनुमोदन गरेको छ ।
संसदले अनुमोदन गरेपछि तीनै सेनाका प्रधानसेनापतिको कार्यकाल पाँच वर्षको भएको छ । यसअघि यो कार्यकाल तीन वर्षको थियो । पाकिस्तानी सेनाको नियम अनुसार जनरलको अवकाश उमेर ६४ वर्ष तोकिएको छ ।
तर अब यो स्वीकृतिपछि सेना प्रमुखको हकमा यो नियम लागू हुने छैन । पाकिस्तानको पहिलो आर्मी एक्ट अन्तर्गत सेना प्रमुखको कार्यकाल तीन वर्ष तोकिएको थियो भने संसदले तीन वर्ष थप गर्न सक्नेछ । पाकिस्तानमा पनि कुनै समय सेना प्रमुखको कार्यकाल चार वर्षको थियो ।