काठमाडौं । गुल्मीको चन्द्रकोटबारे तयार पारिएको गीत सार्वजनिक भएको छ । गायिक सुशीला गौतमको चन्द्रकोटबारे रचिएको पञ्चेबाजा गीत सार्वजनिक भएको हो ।
गुल्मीको चन्द्रकोटका पर्यटकीयस्थल चक्रेश्वरमेला, शान्तिपुर, टिमुरे डताल, डिब्रुङ देवी मन्दिरलगायतका ठाउँहरूलाई गीतमा समावेश गरिएको छ ।
गीतले माया प्रेमका अलवा चन्द्रकोट क्षेत्रको पर्यटकीय महत्वलाई दर्शाउन खोजेको गायिक सुशीला गौतमले बताइन् ।
गायिक गौतम चन्द्रकोटको शान्तिपुरमा जन्मिएकी हुन् । आफू जन्मे हुँर्केको ठाउँको महत्वलाई बुझाउन गीतलाई माध्यम बनाएको उनले बताइन् ।
चन्द्रकोट क्षेत्रमा प्रसस्त पर्यटकीय क्षेत्र छन् । ती क्षेत्रलाई गीतका माध्यमबाट चिनाउने उद्देश्य रहेको उनको भनाइ छ ।
गीतमा चन्द्रकोट क्षेत्रसँगै आफ्नो मायालुको कुनैपनि खोट नभएको कथावस्तु छ । गीतको चन्द्रकोटमै छायाङ्कन गरिएको छ।
मंसिर महिनाको अन्तिम साता सार्वजनिक भएको गीत यतिबेला सामाजिक संजालमा चर्चामा रहेको छ ।
गायक रबिन लामिछानेको शब्द, ईश्वर सिंहको संगीत रहेको गीतमा सुशीला गौतम र रेशम निर्दोषको आवाज रहेको छ । गीत सुशीला गौतम अफिसियल युटुब च्यानलबाट सार्वजानिक गरिएको छ ।