९ साउन, काठमाडौं । संसदीय सुनुवाइ समितिमा निर्वाचन आयुक्तमा सिफारिस कृष्णमान प्रधानको सुनुवाइ गोप्य राखिएको छ ।
बुधबार सुनुवाइ समितिमा प्रधानले आफ्नो कार्ययोजना सुनाएपछि सांसदहरुसँगको प्रश्नोत्तर भने गोप्य राखिएको हो ।
कार्ययोजना प्रस्तुत गर्दा समिति बैठकमा रिपोर्टिङका लागि पत्रकारलाई प्रवेश दिइएको थियो भने त्यसपछि प्रश्नोत्तरका क्रममा भने पत्रकारलाई बाहिर पठाइएको हो ।
प्रधानमाथि एक महिलाले आफूलाई यौन दुव्र्यवहार गरेको आरोप लगाएकी छन् । संसदीय सुनुवाइ समितिमा उजुरी नै दिएकी उनीसँग समितिका सदस्यहरुले छलफल गरिसकेका छन् ।
कार्ययोजना प्रस्तुतिका क्रममा प्रधानले मिलिसकेको विषयमा आफूलाई केही व्यक्तिले लाञ्छना लगाएको टिप्पणी गरेका थिए ।