७ कात्तिक, काठमाडौं । टी-२० अन्तर्राष्ट्रिय क्रिकेटमा एकै इनिङमा सर्वाधिक रन बनाउने नेपालको कीर्तिमान तोडिएको छ ।
जिम्बाब्बेले आईसीसी टी-२० विश्वकप अफ्रिका सब रिजनल क्वालिफायर बी अन्तर्गत खेलमा जाम्बिया विरुद्ध ३४४ रन बनाउदै नेपालको कीर्तिमान तोडेको हो ।
यसअघि गत वर्ष चीनको हान्झाउमा भएको १९ औं एसियाली खेलकुदमा नेपालले मंगोलियाविरुद्ध ३१४ रन बनाउँदै कीर्तिमान बनाएको थियो ।
कप्तान सिकन्दर राजा एक्लैले नटआउट १३३ रन बनाएपछि जिम्बावेले जाम्बियाविरुद्ध २० ओभरमा ४ विकेट गुमाएर ३४४ रन बनाएको हो । राजाले ४३ बल खेल्दै ७ चौका र १५ छक्का मद्दतमा नटआउट १३३ रन बनाएको हो ।
विकेटकिपर ताडिवानासे मारुमानीले १९ बलमा ९ चौका र ४ छक्का प्रहार गर्दै ६२ रन बनाए भने ब्रायन बेन्नेटले ५० रन जोडे ।
क्लाइभ माडान्डेले १७ बलमा ३ चौका र ५ छक्का प्रहार गर्दै अविजित ५३ रन बनाए ।
जाम्बियाका आन्द्रे जार्जुले २ विकेट लिए ।
@अनलाइनखबर