काठमाडौँ । सांसद सुनिता बरालले न्यायालयमा कार्य योजना र प्रतिबद्धताअनुसार काम नहुने अवस्था रहेको बताएकी छन् । शुक्रवार सर्वोच्चका प्रस्तावित न्यायाधीश नृपध्वज निरौलामाथि भएको संसदीय सुनुवाइका क्रममा बरालले सो कुरा बताएकी हुन् ।
उनले निरौलाबाट न्याय नपाएको भन्ने उजुरी परेको प्रसङ्ग उठेको जनाउँदै प्रशासनिक क्षेत्रमा काम गर्दा पनि नेतृत्वमा कमजोरी रहेको भन्ने उजुरी परेको बताइन् । सांसद बरालले भनिन्- ‘फौजदारी मुद्दामा नीतिगत रूपमा फड्को मार्ने भनेर कसरी भन्नुभयो ?’