१३ मंसिर, धनगढी । कैलालीमा प्रहरीले भन्सार छलीका ६ लाख रुपैयाँ मूल्य बराबरको सामान बरामद गरेको छ ।
धनगढी उपमहानगरपालिकासहित जिल्लाका विभिन्न स्थानबाट ६ लाख दुई हजार ६५० रुपैयाँ बराबरको अवैध सामान बरामद गरिएको जिल्ला प्रहरी कार्यालयका प्रहरी निरीक्षक दर्शन खड्काले जानकारी दिए ।
भारतबाट भन्सार छली गरेर ल्याइएका चिनी, प्याज, विद्युतीय उपकरण लगायत सामान बरामद गरिएको प्रहरीले जनाएको छ ।
बरामद गरिएका सामान भन्सार कार्यालयमा बुझाइएको प्रहरीले जनाएको छ ।