२१ मंसिर, काठमाडौं । प्राविधिक प्रहरी उपरीक्षक (एसपी) बाट वरिष्ठ उपरीक्षक (एसएसपी) मा बढुवा भएका पाँच अधिकृतहरूलाई दर्ज्यानी चिह्न प्रदान गरिएको छ ।
मन्त्रिस्तरीय निर्णयबाट बढुवा भएका पाँच अधिकृतलाई शुक्रबार प्रहरी प्रधान कार्यालयमा प्रहरी महानिरीक्षक (आईजी) वसन्तबहादुर कुँवरले दर्ज्यानी चिह्न प्रदान गरे ।
एसएसपीको दर्ज्यानी चिह्न पाउनेहरूमा डा. केदार खड्गी, डा. छन्दबहादुर बुढाथोकी, डा. पवनकुमार राय, डा. सुवर्ण कुँवर र श्यामकुमार मण्डल रहेका छन् ।
बढुवा भएका उनीहरूलाई आईजी कुँवरले पदको मर्यादा र गरिमाको बढोत्तरी हुने गरी सांगठनिक विकास र सुदृढीकरणको क्षेत्रमा उत्कृष्ट जिम्मेवारी निर्वाह गर्न निर्देशन दिए