काठमाडौँ । प्रधानमन्त्री केपी शर्माओली तेह्रथुम पुगेका छन् । उनी आठराई गाउँपालिका– ४ मा नवनिर्मित प्रणामी माध्यमिक विद्यालय भवन उद्घाटन गर्न बुधवार तेह्रथुम पुगेका हुन् ।
मङ्गलवार मात्र झापाबाट काठमाडौँ फर्केका प्रधानमन्त्री ओली बुधवार पुन हेलिकोप्टरमार्फत तेह्रथुम पुगेका हुन् । तेह्रथुममा उनले प्रणामी माध्यमिक विद्यालय भवन उद्घाटन गरिसकेका छन् ।
उक्त विद्यालयबाट ओलीले प्राथमिक शिक्षा लिएका थिए ।