काठमाडौं । युरोपेली मुलुकहरुमा कार्यरत नेपाली चिकित्सक, हेल्थ केयर प्रोफेसनल्सहरुको संस्था र नेपाल चिकित्सक संघबीच सहकार्य सम्झौता भएको छ । सोसाइटी अफ नेप्लिज हेल्थ प्रोफेसनल इन युरोप (एसएनएचपीई)का अध्यक्ष डा. विनय श्रेष्ठ र चिकित्सक संघका अध्यक्ष डा. अनिलविक्रम कार्कीले बिहीबार यससम्बन्धी सम्झौतामा हस्ताक्षर गरेका हुन् ।
६ बुँदे उक्त सम्झौतामा अनुसार दुई संस्थाबीच अनुसन्धान परियोजनामा सहकार्य गर्ने, शैक्षिक कार्यक्रमका लागि मेडिकल विद्यार्थी तथा रेजिडेन्टहरु आदानप्रदान गर्ने र आवश्यक सूचना, स्रोत र प्रकाशनहरु आदानप्रदान गर्ने उल्लेख छ ।
यस्तै व्यावसायिक क्षमता अभिवृद्धि गर्ने खालका गोष्ठी, सेमिनार र कार्यक्रममा सहकार्य गर्ने, प्राथमिकताका विषयमा संयुक्त रुपमा वकालत गर्ने पनि सम्झौता भएको छ ।