काठमाडौँ । कास्की जिल्ला अदालतबाट जिल्ला प्रहरी कार्यालय कास्कीका प्रमुख तथा एसपी र अर्का एक डीएसपी बाहिरिएका छन् ।
एसपी श्याम ओलिया र डीएसपी वसन्त शर्मा जिल्ला अदालतबाट बाहिरिएका हुन् ।
राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्ध पक्राउ पुर्जीको तयारी भएको चर्चाका बिच उनीहरूले यसबारे सञ्चारकर्मीको जिज्ञासामा भने केही बोलेनन् । अदालतबाट बाहिरिने क्रममा सञ्चारकर्मीको प्रश्नमा ओलियाले भने, ‘आधिकारिक च्यानलबाट थाहा भइहाल्छ । अहिले नआत्तिनुस् ।’ प्रहरी अदालत पुग्दा सहकारीसँग जोडिएका फाइल समेत लिएर आएको थियो ।
@रातोपाटी