११ पुस, काठमाडौं । संघीय संसद् सचिवालयले ३९ वटा देशमा संसदीय मैत्री समूह गठन गरेको छ । विभिन्न देशसँग कुटनीतिक सम्बन्ध र विधायकहरूसँगको सम्बन्ध कायम गर्नका लागि संसदीय मैत्री समूह गठन गर्ने परम्परा रहिआएको छ ।
सोही अनुसार बिहीबार मैत्री समूह गठन भएको हो । २०७९ मंसिर ४ गते चुनाव भएको थियो । निर्वाचन भएको दुई वर्षपछि मात्रै संसदीय मैत्री समूह गठन भएको छ ।
३९ वटा देशमा संसदीय मैत्री समूह गठन भएको छन् । गठित मैत्री समूहका संयोजकहरूसँग सभामुख देवराज घिमिरेले छलफल गरेका छन् ।
संसद सचिवालयका सहसचिव गिरीका अनुसार नेपालसँग दौत्य सम्बन्ध भएका देशमा संसदीय मैत्री समूह गठन गर्ने अभ्यास छ ।
नेपालसँग दौत्य सम्बन्ध भएका विभिन्न देशसँग संसदीय अभ्यास र अनुभव आदानप्रदान गर्नका लागि राष्ट्रियसभा र प्रतिनिधिसभामा रहेका सांसदहरू रहेका संसदीय मैत्री समूह गठन गर्ने गरिएको छ ।