१२ पुस, काठमाडौं । पारिवारिक भ्रमणका लागि भारतको लखनउ पुगेका नेपाली कांग्रेसका महामन्त्री गगनकुमार थापा आज फर्कंदै छन्।
श्रीमती डा. अञ्जना थापा केसी र छोरीहरू गार्गी तथा जियानाका साथमा थापा बुधबार लखनउ गएका थिए।
दाई राजु थापाले पार्टी कामको सिलसिलामा बर्दिया पुगेका वेला उतैबाट लखनउ भ्रमणमा गएको र आज पुनः बर्दिया आइपुग्ने जानकारी दिए।
‘अहिले दुवै छोरीको पनि छुट्टी भएकाले पारिवारिक भ्रमणका लागि लखनउ जानुभएको हो,’ दाई राजु थापाले अनलाइनखबरसँग भने, ‘सबैजना आज बर्दिया आइपुग्नुहुन्छ । नेपालगन्जमा पार्टीको कार्यक्रममा सहभागी भएपछि शनिबार काठमाडौं आउनुहुन्छ ।’