पोखरा । कास्कीको अन्नपूर्ण संरक्षण क्षेत्र आयोजना (एक्याप) क्षेत्रबाट कटिङ ढुंगा निकासी गर्ने एक टिप्पर प्रहरीले ढुंगा सहित नियन्त्रणमा लिएको छ । माछापुच्छ्रे गाउँपालिकाबाट अवैध रुपमा ढुंगा निकासी गरेको सूचना पाएपछि प्रहरीले अनुगमन गरेको हो ।
वडा प्रहरी कार्यालय बगरबाट खटिएको प्रहरी टोलीले पोखरा १६ मध्यमपथ चोकबाट ग१ख ७२३४ नम्बरको मिनी टिप्पर ढुंगा सहित नियन्त्रणमा लिएको कास्की प्रहरीका प्रवक्ता डीएसपी बसन्तकुमार शर्माले जानकारी दिए । टिप्परलाई एक्याप कार्यालय पठाइएको छ ।
@रातोपाटी