दमस्कस । सिरियाको राजधानी दमस्कसमा इजरायलको आक्रमणमा परेर तीन जना सर्वसाधारण मारिएका छन् । सिरियन अरब न्यूज एजेन्सी (साना)ले बताएअनुसार मंगलबार मृत्यु हुनेहरूमा यसका एक टिभी प्रस्तोता पनि छन् । सामाजिक सञ्जालमा पोष्ट भएको भिडियोमा अपार्टमेन्टहरूको बीचको एक सडकमा आगो ह्वाह्र्वाती बलेको अवस्थामा एउटा कार देखिएको थियो ।
छिमेकी देश लेबनानमा रहेका इरान समर्थित सशस्त्र समूह हिजबुल्लाहलाई निशाना बनाएर इजरायलले जमिनबाट सीमित, स्थानीय र लक्षित आक्रमण शुरु गरेकै समयमा दमस्कसमा आक्रमणको खबर आएको हो ।
सोमबार इजरायलले गरेको आक्रमणमा परेर लेबनानभरमा ९५ जनाको मृत्यु भएको थियो भने अरु १७२ जना घाइते भएका थिए ।
@एजेन्सी