१६ मंसिर, जनकपुरधाम। रौतहटको तीनवटा वडामा वडाध्यक्ष पदको लागि मतदान सम्पन्न भएको छ।
साँझ ५ बजेसम्म रौतहटको इशनाथ नगरपालिका ७, राजपुर नगरपालिका ६ र गढीमाई नगरपालिका ८ मा वडाध्यक्ष पदका लागि मतदान भएको हो ।
इशनाथ नगरपालिका वडा नम्बर ७ मा २ हजार ७०७ मतदाता रहेकोमा साँझ ५ बजेसम्म १ हजार ८७० मत खसेको छ ।
यस्तै राजपुर नगरपालिका वडा नम्बर ६ मा १ हजार ७६६ मत खसेको छ । यस वडामा २ हजार ५४६ मतदाता छन् ।
यस्तै गढीमाई नगरपालिका ८ मा २ हजार ७५१ मतदाता रहेकोमा २ हजार २३७ मत खसेको छ ।