अन्तरास्ट्रिय

२६ कात्तिक, काठमाडौं । रुस र युक्रेनबीच युद्ध सुरु भएयता एकअर्काविरुद्ध हालसम्मकै ‘घातक’ ड्रोन हमला भएका छन् । आइतबार रुस र युक्रेनले एकअर्काविरुद्ध ड्रोन हमला गरेका हुन् । युक्रेनले रुसका ६ स्थानमा प्रहार गरेका ड्रोन रोकेको रुसी रक्षा मन्त्रालयले जनाएको छ । तीमध्ये केही राजधानी मस्कोतर्फ प्रहार गरिएको थियो । त्यसका कारण मस्कोका प्रमुख तीन विमानस्थलमा उडान अवतरण प्रभावित भएको थियो । हवाईजहाजहरुलाई डाइभर्ट गर्नु परेको थियो । अधिकारीहरुका अनुसार धेरैजसो ड्रोन रामेनस्कोय, कोलोम्ना र डोमोडेडोभोमा खसेका थिए । रुसी रक्षा मन्त्रालयका अनुसार मस्कोको दक्षिण-पश्चिम क्षेत्र रोमेनस्कोयमा खसेको ड्रोनका कारण पाँच जना घाइते भएका छन् भने चार वटा घरमा आगो लागेको छ । मन्त्रालयका अनुसार शहरमाथिको आकासमा आइपुगेका ३४ वटा ड्रोनलाई खसालिएको थियो । यसैगरी रुसले युक्रेनतर्फ १४५ ड्रोन प्रहार गरेको थियो ...

वासिङ्टन डीसी । अमेरिकाको सात स्विङ स्टेटमध्ये निर्वाचनको नतिजा आउन बाँकी अन्तिम राज्य एरिजोनामा पनि डोनाल्ड ट्रम्प ट्रम्प विजयी भएका छन् । योसँगै ट्रम्पले अमेरिकाका सबै स्विङ स्टेट जितेका छन् । पछिल्लो राष्ट्रपति निर्वाचनमा ट्रम्पको इलेक्टोरल कलेज भोट ३१२ पुगेको छ । ह्यारिस भने २२६ इलेक्टोरल कलेज भोटमा समेटिएकी छिन् । अमेरिकाको दक्षिण पश्चिममा पर्ने राज्य एरिजोनामा चार दिनसम्म मतगणना जारी थियो । आइतबार बिहान निर्वाचनको नतिजा सार्वजनिक भएको हो । नोभेम्बर ५ मा सार्वजनिक भएको अमेरिकी चुनावको नतिजामा डोनाल्ड ट्रम्प विजयी भएका थिए । यो जितसँगै डोनाल्ड ट्रम्प दोस्रो पटक अमेरिकाको राष्ट्रपतिमा निर्वाचित भएका छन् । @एजेन्सी...

२५ कात्तिक, काठमाडौं । इजरायल र हमासबीच युद्धविरामको पहल गर्दै आएको कतार मध्यस्थताको जिम्मेवारीबाट पछि हटेको छ । अब इजरायल र हमासले वार्ताका लागि इच्छा व्यक्त नगरेसम्म मध्यस्थता नगर्ने कतारको भनाइ छ । अमेरिकाले कतारमा हमासका नेताहरुको उपस्थितिलाई नस्वीकार्ने बताएपछि कतारको पछिल्लो निर्णय सार्वजनिक भएको हो । कतारले इजरायल र हमासबीचको युद्ध अन्त्यका लागि मध्यस्थताको भूमिका निर्वाह गर्दै आएको थियो । तर अहिले मध्यस्थताको भूमिकाबाट आफैं अलग भएको कतारको विदेश मन्त्रालयले जनाएको छ । मन्त्रालयले विज्ञप्ति जारी गर्दै भनेको छ, ‘कतारले कुनै सम्झौतामा पुग्नका लागि अन्तिम प्रयास स्वरुप १० दिन अघि सबै पक्षलाई सूचना दिएको थियो कि यदि वार्ता निष्कर्षविहीन भएमा मध्यस्थताको भूमिकाबाट हामी आफैं अलग हुनेछौं ।’ युद्ध अन्त्यको प्रस्ताव हमासले नमानेको भन्दै अमेरिकाले अब कतारमा हमासको उपस्थिति अस्वीकार्...

खाद्यान्नदेखि कारबीमासम्मको मूल्य अत्यधिक बढेका कारण रिसाएका अमेरिकी मतदाताले सत्तामा रहेको डेमोक्रयाटिक पार्टीलाई हराएर डोनाल्ड ट्रम्पलाई ह्वाइटहाउसमा फर्काइदिए । आफू सत्तामा रहुञ्जेल मूल्यवृद्धिको समस्या नहरेको तर जो बाइडेनको पालामा त्यसले जनतालाई मारेको भन्दै उनले त्यसमाथि आफूले हमला गर्ने उनले बाचा गरेका थिए । तर, उनी सचेत भएनन् भने उनी आफैंमाथि मूल्यवृद्धिको समस्या पर्नेछ । मूल्यवृद्धिलाई छुमन्तर पार्नेसँगै ट्रम्पले चुनावका क्रममा गैरकानुनी आप्रवासीलाई एकैपटक डिपोर्ट गर्ने तथा आयातमा अतिउच्च कर लगाउने बाचा गरेका छन् । साँच्चै यी काम ट्रम्पले गरे भने त्यसले अत्यधिक मूल्यवृद्धि गराउनेछन् । ट्रम्पले दशौं खर्ब अमेरिकी डलर राष्ट्रिय ऋण बढाउने योजना बनाएपछि बोन्ड बजार अहिलेसम्मकै उच्च बिन्दूमा पुगिसकेको छ । बोन्डको प्रतिफल तीव्र रुपमा बढेको छ, जसले घर तथा कारलगायत किन्नका लागि उ...

२३ कात्तिक, काठमाडौं । दोस्रोपटक अमेरिकाको राष्ट्रपति चुनिएका डोनाल्ड ट्रम्पको विश्वभर जति चर्चा भइरहेको छ, त्यस्तै चर्चा उपराष्ट्रपति जे.डी. भान्सको पनि भइरहेको छ । किनभने उनी अमेरिकाको इतिहासमै तेस्रो सबैभन्दा युवा उपराष्ट्रपतिको रुपमा निर्वाचित भएका छन् । रिपब्लिकन पार्टीका ४० वर्षीय भान्स ओहियोका सिनेटर हुन् । उनले ६० वर्षीय डेमोक्रेटिक उम्मेदवार टिम वाल्ट्जलाई हराए । सांसद बनेको दुई वर्षमै ट्रम्पको विश्वास पात्रको रुपमा भान्स उपराष्ट्रपति चुनिएका छन् । अमेरिकामा सबैभन्दा कम उमेरको उपराष्ट्रपतिको रुपमा पहिलो नम्बरमा जोन सी ब्रेकिनरिजको नाम आउँछ । उनी ३६ वर्षको उमेरमै उपराष्ट्रपति बनेका थिए । उनको कार्यकाल १८५७ देखि १८६१ सम्म थियो । उतार–चढावपूर्ण बाल्यकाल भान्सको जन्म १९८४ को अगष्ट महिनामा ओहियो राज्यको मिडलटाउन शहरमा भएको थियो । भान्स ६ वर्षको छँदै उनका आमा–बुवाको छोडपत्र ...

२१ कात्तिक, काठमाडौं । अमेरिकाको ४७ औं राष्ट्रपतिमा रिपब्लिकन उम्मेदवार डोनाल्ड ट्रम्प निर्वाचित भएका छन् । सन् २०१६ मा पहिलो पटक राष्ट्रपति निर्वाचित भएका ट्रम्प २०२० को चुनावमा भने जो डेमोक्र्याट उम्मेदवार जो बाइडनसँग पराजित भएका थिए । त्यसपछि पुन: यसवर्षको चुनावमा उम्मेदवारी दिएका ट्रम्पले डेमोक्र्याट उम्मेदवार उपराष्ट्रपति कमला ह्यारिसलाई पराजित गरेर दोस्रो कार्यकालका लागि राष्ट्रपति निर्वाचित भएका हुन् । यद्यपि निर्वाचन आयोगले आधिकारिक घोषणा गर्न बाँकी छ । १० इलेक्टोरल भोट भएको विस्कन्सिन र ३ इलेक्टोरल भोट भएको अलस्कामा रिपब्लिकनको जित पक्का भएको छ । योसँगै राष्ट्रपतिमा ट्रम्पको इलेक्टोरल भोट २७९ पुगेको छ । जबकि राष्ट्रपति निर्वाचित हुनका लागि २७० इलेक्टोरल भोट भए पुग्छ ।...

वासिङ्टन डिसी । अमेरिकाको राष्ट्रपति निर्वाचनमा रिपब्लिकन उम्मेदवार डोनाल्ड ट्रम्पको जीत सुनिश्चित देखिएको छ । अमेरिकी मिडिया आउटलेटहरु फक्स न्यूज, सीएनएनले यस्तो घोषणा गरेका छन् । अहिलेसम्म पनि मतगणना जारी छ । सीएनएनका अनुसार ट्रम्प २७० को बहुमतबाट केही मत मात्रै टाढा छन् । ह्यारिसले भने अहिलेसम्म १८८ मत पाएकी छिन् । फक्स न्युजले पनि ट्रम्पको जितको घोषणा गरिसकेको छ । अहिलेसम्म ट्रम्पले १६ राज्यमा जितिसकेका छन् । क्यालिफोनिर्यामा भने कमला ह्यारिसले जितेकी छिन् । यहाँ ५४ इलेक्टोरल भोट छ । यो अमेरिकाको कुनै पनि राज्यको सबैभन्दा धेरै हो । तर उनको यो जित पनि फिक्का बनेको छ । ह्यारिसले सात स्वीङ्ग स्टेटमध्ये कुनै पनि जित जवा अग्रता हासिल गर्न सकेकी छैनन् । प्रारम्भिक रुझानमै ह्यारिसको भन्दा ट्रम्पको अवस्था बलियो देखिएको थियो । यसैबीच कमलाले हार्वार्ड विश्वविद्यालयमा आफ्ना कार्यकर...

२० कात्तिक वासिङ्टन डिसी (अमेरिका) । विश्वभर निकै प्रतिक्षा गरिएको अमेरिकाको राष्ट्रपतीय निर्वाचनको मतदात आज हुन गइरहेको छ । निर्वाचनका लागि डेमोक्र्याटिक पार्टीका तर्फबाट वर्तमान उपराष्ट्रपति कमला ह्यारिस र रिपब्लिकन पार्टीबाट पूर्वराष्ट्रपति डोनाल्ड ट्रम्प मैदानमा छन् । निर्वाचनको मिति आउन एक दिन बाँकी रहँदा ह्यारिस र ट्रम्प दुवैको संयन्त्र ब्याटल ग्राउण्ड स्टेट (मतदान गर्न अनिर्णित मतदाता भएको राज्य) को नामकरण गरिएका स्थानमा केन्द्रित रहेको थियो । मतदाताहरुको प्रत्यक्ष मतदान र ‘इलोक्ट्रोल कलेज’को सम्मिश्रणका आधारमा निर्वाचित गरिने अमेरिकाको राष्ट्रपतीय निर्वाचन यो पटक निकै प्रतिस्पर्धात्मक हुने अनुमान गरिएको छ । नागरिकले मतदानमार्फत प्रत्यक्ष कार्यकारी अधिकारसहितको विश्वको शक्तिशाली राष्ट्र अमेरिकाको राष्ट्रपतिको निर्वाचनमार्फत हुने सत्ताको परिवर्तनले विश्वलाई प्रत्यक्ष, अप्...

१९ कात्तिक, काठमाडौं । अमेरिकाले डाइभर्सिटी भिसाको २०२६ को लागि आवेदन दिने समय दुई दिन थप गरेको छ । यसअघि ५ नोभेम्बर २०२४ सम्म कायम गरिएको समयावधि दुई दिन थपेर ७ नोभेम्बरसम्म बढाइएको नेपाल स्थित अमेरिकी राजदूतावासले जनाएको छ । अमेरिकी दूतावासका अनुसार असोज १६ गते बुधबार राति ९:४५ बजेदेखि डीभी कार्यक्रममा आवेदन खुलला गरिएको थियो । डिभी कार्यक्रमबाट अमेरिका लगिने व्यक्ति निष्पक्ष रूपमा छनोट गरिने अमेरिकी दूतावासले जनाएको छ । एउटा व्यक्तिले एउटा मात्र आवेदन दिनुपर्ने र एकभन्दा बढी आवेदन दिए अयोग्य ठहरिनेछन् ।...

१५ कात्तिक, काठमाडौं । नेपालीको दोस्रो ठूलो चाड तिहारको तेस्रो दिन आज कुकुर पूजा र लक्ष्मी पूजा गरिँदै छ । कुकुर तिहार यमपञ्चक अर्थात् दीपावली पर्वको दोस्रो दिन पर्ने भए पनि यस वर्ष तिथिको घटबढका कारण तेस्रो दिन पर्न गएको हो । त्यसैले आज बिहान कुकुर पूजा गरेर बेलुका लक्ष्मी पूजा गर्नुपर्ने नेपाल पञ्चाङ्ग निर्णायक विकास समितिले जनाएको छ । कात्तिक कृष्ण चतुर्दशीका दिन कुकुरलाई मनपर्ने परिकार खान दिए यमराजको ढोकामा द्वारपालका रूपमा बस्ने श्याम र सबल नामका कुकुरले यमलोक जाँदा बाटो छोडिदिने धार्मिक विश्वासका आधारमा कुकुर तिहार मनाउने गरिएको छ । वैवस्वत मन्वन्तरको कुलमा जन्मिएको कुकुरले धर्मराज युधिष्ठिरलाई स्वर्ग यात्रामा समेत साथ दिएको धार्मिक विश्वास छ । कुकुरलाई आज्ञापालक र सुरक्षामा भरपर्दो घरपालुवा जनावरका रूपमा लिइन्छ । घरमा कुकुर पाल्नाले मुटु र मधुमेह रोग लाग्दैन भनी विश्वास गर्ने...