प्रहरी हत्यामा जेल बसेका समेत समातिए, पक्राउको संख्या ६ पुग्यो
१ साउन, काठमाडौं। ललितपुरको गोदावरी नगरपालिका–९ छेडामा व्यवसायी मनोज बाँनियामाथि खुकुरी प्रहार गरेको आरोपमा पक्राउ पर्नेको संख्या ६ पुगेको छ ।
आज मंगलबार थप एक जनालाई पक्राउ गरिएसँगै पक्राउको संख्या ६ पुगेको जिल्ला प्रहरी परिसर ललितपुरका एसपी तथा प्रवक्ता नरेशराज सुवेदीले जानकारी दिए । मंगलबार चाबहिलबाट धराने भनिने विभाग गुरुङलाई प्रहरीले पक्राउ गरको छ ।
अहिलेसम्म पक्राउ पर्नेहरुमा धरानेसँगै ललितपुरको भैसेपाटीका बाबा भनेर चिनिने राजेश केसी, आलिंकन लामिछाने, आयुमान अधिकारी, सुरेन्द्र महर्जन र दीपक वान्तवा राई छन् । खुकुरी प्रहारमा संलग्न भनिएका तीन जना भने अझै फरार रहेको प्रहरीले जनाएको छ । फरार हुनेहरुमा प्रवीण महत, सुजन श्रेष्ठ र सोप्निल भण्डारी छन् ।
बाबा भनिने राजेश केसीको समूहले छेडामा कटेज बनाउँदै गरेका बाँनियामाथि ७ असारमा खुकुरी प्रहार गरेका थिए । बाँनिया र बाबाबीच जग्गा सम...
